Gaeilge --> English

Cuimsíonn paróiste An tSean Phobail agus paróiste na Rinne Gaeltacht na nDéise. De réir an bhéaloidis, thug Naomh Colmáin an Chríostaíocht go dtí An Sean Phobal i bhfad sara tháinig Naomh Pádraig go hÉireann, rud a chialaíonn gurb é An Sean Phobal an paróiste is sine in Éirinn. Lonnaithe ar chósta Phort Láirge, idir Dhún Garbhán agus Eochaill, is paróiste cuíosach mór é An Sean Phobal, le 8 clm d’imeallbhord, ina bhfuil aillte dhrámatúla 70 méadar ar airde, clasáin dhomhain agus cuanta beaga.

Limistéar ciúin, droimneach a ardaíonn go hard os cionn na farraige, agus tá raidhse d’éanlaithe farraige ina gcónaí ar feadh na haillte, rud a chialaíonn go bhfuil An Sean Phobal mar pharthais do lucht fairtheoireachta éan agus dóibh siúd go bhfuil suim acu sa bhfiadhúlra.

Tá cáil ar an bhfarraige thart ar chósta an tSean Phobail as a bheith garbh agus tá an-chuid bháid bháite ar ghrinneall na farraige amuigh.

Is turas álainn don turasóir a bhfuil suim acu i gcultúr agus i stair na hÉireann, tiomáint thart thimpeall Ghaeltacht na nDéise.

Feidhmíonn roinnt Ghnóthaí Áitiúla go rathúil i nGaeltacht na nDéise, ag cur fostaíochta ar fáil go háitiúil.

Forbairt Phobail: Tá spiorad láidir fhorbairt phobail i nGaeltacht na nDéise, agus tá roinnt mhaith grúpaí pobal ag feidhmiú sa cheantar ar mhaithe le dul chun cinn a bparóiste.